Helburu nagusia

Helburu nagusia Natura 2000 Sarean sartuta dagoen espazio natural batean interes komunitariokoak diren habitatak eta espezieak kontserbatzea eta lehengoratzea da.

Aurreikusitako ekintzak intereseko habitatek okupatutako azalerak babestea, lehengoratzea eta areagotzea dute xede: pagadi azidofilo atlantikoa eta harizti galaikoportugesa. Ekintza horiek eragin positiboa izan beharko lukete Rosalia alpina (*) eta Lucanus cervus bezalako koleoptero biztanleriatan, eta Osmoderma eremita (*) eta Cerambyx cerdo (guztiak 92/43/CEE Arteztarauaren II. eranskinean jasoak) bezalako beste batzuk ezartzea ahalbidetu beharko lukete.

Beste ekintza batzuk, berriz, ibai-habitaten kudeaketa dute xede, habitaten nahiz bertan bizi diren espezieen kontserbazio-egoera hobetze aldera: Galemys pyrenaicus, Mustela lutreola, Lutra lutra, Soldanella villosa eta Trichomanes speciosum (92/43/CEE Arteztarauaren II. eranskinean jasoak). Proiektuak bereziki eragiten du Soldanella villosa; izan ere Aiako Harria GKLak garrantzi handia du espezie honen kontserbazioan.   

Proiektuaren garapenak areagotu eta hobetu egingo du, baita ere, jabe partikular eta publikoen arteko komunikazioa, eta baita ere basokoa bezain zabala den ekosistema baten kudeaketan inplikatutako eragile desberdinen artekoa.